Dooro luqadaada

Tallaalka Ifilada 2024/25

Waxaa laguu soo gudbiyay websaydhkan oggolaansho bixintan ah maadaama ilmahaaga laga rabo inuu qaato talaalka ifilada ee sanka laga qaato.

Sannadkan, waxaanu dhammaan carruurta siinaynaa tallaalka ifilada ee sanka laga qaato ee degdega ah oo aan xanuuna lahayn. Si kastaba ha ahaatee, waxaa jira tallaal bedel ah oo aan lahayn jelatinka hilibka doofaarka, tallaalkaas oo bilaash ah laguna heli karo duritaan ahaan. Tallaalku gabi ahaanba waa bilaash waxaana lagula talinayaa dhammaan carruurta jirta da'da dugsiga.

Akhri wax badan oo ku saabsan tallaalka ifilada ee sanka laga qaato ee loogu talagalay carruurta dugsiga halkan.

Fadlan buuxi foomka xitaa haddii aadan rabin in ilmahaagu qaato tallaalka ama haddii ay ka heleen meel kale.

Haddii aad wax su'aalo ah qabtid, hoos ka akhri Su’aalaha Inta Badan La Isweydiiyo (FAQs).

Halkan ka bilow

Warqad la'aan loogu talagalay meeraha

Waxaan aaminsanahay ilaalinta deegaanka, tanina waa hab cad oo lagu dhimayo isticmaalka waraaqaha.

Yareynta isticmaalka warqadaha waxay sidoo kale yaraynaysaa khatarta caabuqa waxayna idin sahlaysa hannaanka ogolaansho bixinta adiga, ilmahaaga, dugsiyada iyo kooxdeena.

Oggolaansho bixinta waxaa laga dhigey mid fudud

Waxaad heli doontaa iimaylka xaqiijinta markaad dhamaysato oggolaansho bixinta sidoo kale waxaad heli doontaa ogeysiis ku saabsan xaaladda tallaalka ee ilmahaaga marka ay tallaalaan kooxdeena.

Su'aalaha Inta Badan La Isweydiiyo

Halkan waxaa ku yaala qaar ka mid ah su'aalaha inta badan nala weydiiyo.

Xulo qaybta su'aalaha:

Ilmahayga ma u qaadi karaa GP-ga si uu u qaato tallaalka?

Guud ahaan, dhammaan tallaalada la siiyo carruurta jirta da'da dugsiga waxaa bixiya kooxda tallaalada ee dugsiga. Dhakhaatiirta guud/GP-yada waxay tallaali karaan carruurta marka ay jiraan xaalado gaar ah, laakiin badanaa waa haddii ilmuhu seego qaadashada tallaalkooda sannad dugsiyeedkii laga rabay inuu qaato. Marmar, kooxdu waxay codsan kartaa in talaalka uu bixiyo GP-ga haddii loo malaynayo inay sidaas ku habboon tahay.
Maxaa dhacaya haddii aan seego 'taariikhda dhamaystirka oggolaansho bixinta' laakiin aan weli rabo in ilmahayga la tallaalo?

Mar kasta oo ay suurtogal tahay kooxdu waxay bixin doontaa fursad labaad oo ilmuhu ku heli karaan tallaalka, ha ahaato inay ku bixiyaan dugsiga ama rugta caafimaadka ee bulshada. Fadlan si toos ah ula xiriir kooxda si aad uga hesho wixii macluumaad dheeraad ah.
Maxaa dhacaya haddii aan beddelo go’aankayga ku saabsan in ilmahayga la tallaalo ka dib marka aan soo gudbiyo oggolaansho bixinta?

Waa muhiim inaad si degdeg ah ula xiriirto Kooxda Tallaalka oo aad la hadasho xubin ka mid ah shaqaalaha. Waxaan sidoo kale kugula talineynaa inaad la xiriirto dugsiga haddii wakhtiga tallaal qaadashada la qorsheeyo 72 saacadood gudahooda.
Maxaa dhacaya haddii ilmahaygu uusan dhiganayn dugsi?

Kooxdu waxay ku farxi doonaan inay ilmahaaga ku qaabilaan mid ka mid ah rugaheena caafimaadka bulshada. Fadlan la xiriir kooxda si aad ugala hadasho rabitaanadaada.
Maxaa dhacaya haddii ilmahayga uu qabo xaalad caafimaad?

Waxaa jira carruur aad u tiro yar oo aan qaadan karin tallaalka. Si kastaba ha ahaatee, haddii ilmahaaga uu qabo xaalad caafimaad, waxaa suurtogal ah inaan idin waydiino adiga ama GP-ga ilmaha ama la-taliyaha ilmahaaga wixii macluumaad dheeraad ah si loo xaqiijiyo inay badbaado u tahay inay qaataan tallaalka wakhtigaas la joogo.
Maxaa dhacaya haddii ilmahayga uu xanuunsado ka dib qaadashada tallaalka?

Qof kastaa lama kulmo waxyeellooyinka gaarka ah ee tallaalka. Haddii ay la kulmaan waxyeellooyin gaar ah, waxay guud ahaan noqonayaan kuwo khafiif ah waxayna ka kooban yihiin waxyaabahan soo socda, gaar ahaan haddii ay tahay qiyaasta ugu horreysa ee tallaalka: dareemid daal, qandho khafiif ah, finan, jir xanuun iyo xanuun laga dareemo goobta la duray. Haddii aad ka welwelsan tahay ilmahaaga waxaad wici kartaa 111 si aad u hesho talo caafimaad oo aan degdeg ahayn ama la xiriir xarunta GP-gaaga. Haddii ay xaalada tahay mid degdeg ah fadlan wac 999. Talooyin dheeraad ah ayaa laga heli karaa: www.nhs.uk. Wac 111 si aad u hesho talo caafimaad oo ku aadan xaaladaha aan degdega ahayn, wac 999 haddii xaalada ay tahay mid degdeg ah. Kooxdeena ayaa waxay ka warbixinayaan wixii waxyeelooyinka gaarka ah ee lala kulmi karo tallaal qaadashada ka dib ee aan ka warqabno, sidaas darteed fadlan la xiriir Kooxda Tallaalka haddii aad dareento inaan u baahanahay inaan ka warbixino wixii falcelin ah oo uu ilmahaaga kala kulmo tallaalka.
Ka waran haddii ilmahayga uu xanuunsan yahay maalinta tallaal qaadashada?

Tallaallada ayaa si badbaado leh loo bixin karaa haddiiba aan ilmuhu u xanuunsanayn si nidaami ah. Haddii ilmahaagu aanu qabin caafimaad ku filnayn oo ku aado dugsiga, markaas kooxdeenu waxay samayn doonaan wixii qabanqaabo ah si ay u arkaan ilmaha marka xigta ee aan soo booqanno dugsiga. Guud ahaan haddii ay qabaan caafimaad ku filan oo ay ku tagaan dugsiga, inta badan waxay qabaan caafimaad ku filan oo ay ku qaataan tallaalka. Si kastaba ha ahaatee, haddii ilmahaagu uu ka soo kabanayo xanuun raaga ama caabuq dhawaan ku dhacay, kalkaalisada ayaa laga yaabaa inay go'aansato inay dib u dhigto tallaalka siinta ilaa ay si buuxda uga bogsanayaan. Waxaana sidoo loo samaynayaa si loo xaqiijiyo in wixii isbedel ah oo ku yimaada caafimaadkooda aan si khaldan loo nisbayn tallaalka.
Halkeen ka heli karaa macluumaad dheeraad ah oo ku saabsan tallaallada?

Waxaad macluumaad dheeraad ah ka heli kartaaWebsaydka xulashooyinka NHS. Haddii kale, waxaad la hadli kartaa GP-gaaga, kalkaalisada caafimaadka ama xubin ka tirsan kooxda tallaalka.
Waa maxay sabab aad ugu baahan tihiin taariikhaha tallaal qaadashooyinkii hore?

Waxaan ku weydiinaa macluumaadkan kaliya haddii loo baahan yahay si loo xaqiijiyo in la ilaaliyo muddooyinka loogu talagalay in loo dhaxaysiiyo tallaalada. Fadlan ogow in aanan marin u haysan diiwaanka GP-ga ee ilmahaaga, sidaas darteed waxaa laga yaabaa inaanan ka warqabin taariikhaha tallaal qaadashooyinkoodii hore marka laga reebo haddii aad noo sheegto.
Maxaad ii waydiinaysaan in cunugaygu qaatay labada kuuro ee talaalka Jadeecada, Qaamo-qaanshiirta, iyo caabuqa Rubella (Measles, Mumps, and Rubella, MMR)?

Jadeecada ayaa markale kusoo labo kaclaysay wadanka Boqortooyada Ingiriiska (Uk) oo dhan. Waxaa naloo xilsaaray inaan bixino oo aan qaybino talaalka MMR oo ay helayaan dhammaan carruurta aan horay u qaadan labada kuuro.

Sidaas awgeed, haddii cunugaagu kuuro qaatay asagoo jira 1 sano kadibna uu qaatay kuurada labaad da'da dugsiga barbaarinta marka uu gaaray, waxaa laga yaabaa inuusan difaac buuxa helin.

Haddii aadan hubin inuu qaatay labada kuuro iyo in kale, fadlan ku qor MAYA jawaabtaan kadibna kooxdeena ayaa kula soo xiriiri doonta si ay kaala hadlaan una siiyaan cunugaaga talaalka inta aan booqashada lagu jiro.

Ma jiraan carruur ay tahay inaysan qaadan tallaalka sanka laga qaato?

Waa inaad noo soo sheegtaa haddii ilmahaaga uu qabo mid ka mid ah waxyaabahan soo socda: Xasaasiyad aad u daran oo ku aadan ukunta, borotiinnada ukunta, gentamicin ama jelatiin - waxaa muhiim noo ah inaan ogaano haddii ilmahaaga loo seexiyay isbitaal sabab la xiriirta xaalad loo yaqaano ‘anaphylaxis’, oo ay kiciyaan waxyaalahan. Uu hadda yahay mid cudurka neefta la hinaasa ama hinaasayay 72-kii saac ee la soo dhaafay. Waxaa jira tallaal kale oo loogu talagalay ifilada/hargabka oo aan kaala hadli karno si aan u xaqiijino in ilmahaaga la ilaaliyo sida ugu dhakhsaha badan ee suurtagalka ah. Qabo xaalad caafimaad oo aad u wiiqaysa habdhiska difaaca jirka. Sidoo kale, carruurta la tallaalay waa in ay ka fogaadaan xiriir dhow oo ay la yeeshaan dadka hab-dhiskooda difaaca jirkooda uu aad u liito ilaa laba toddobaad ka dib tallaal qaadashada. Tani waxaa sabab u ah inay jirto fursad meel dheer ah oo ah in fayraska tallaalka loo gudbin karo dadkaas. Xiriirka lala yeelanayo carruurta kale ama dadka waaweyn ee caafimaadka qaba uma baahna in la xaddido ka dib qaadashada tallaalka.
Nooca tallaalka hargabku ma lagu faafin karaa dadka kale ee aan la tallaalin? (Faafinta fayraska)

Dadka lala macaamilo ee aan la tallaalin khatar uguma jiraan inay si xun ugu bukoonaadaan fayraska tallaalka hargabka ee daciifka ah, ha noqoto haddii ay ku jiraan qolka tallaalka lagu bixinayo, ama inay xiriir la yeeshaan arday dhawaan la soo tallaalay. Ma jirto 'ceeryaamo' ah fayras tallaalka oo hawada galaysa sidaas darteed, looma baahna ilmo ama xubin ka tirsan shaqaalaha in laga saaro dugsiga inta lagu jiro xilliga tallaal bixinta ama maalmaha xiga. Tirada yar ee carruurta ee sida aadka daciif uga ah habdhiska difaaca jirka (tusaale ahaan kuwa dhowaan lagu sameeyay beeritaanka/ku-tallaalida dhuuxa lafta), ayaa lagula taliyay in aanay tegin dugsiga sabab la xiriirta khatarta sareeysa ee ah inay la kulmaan caabuqyada kale ee ku faafa dugsiyada. Inkasta oo carruurta la tallaalay ay daadiyaan/faafiyaan fayraska tallaalka dhowr maalmood ka dib qaadashada tallaalka, fayrasku wuu ka tabar yar yahay si uu ugu faafo qof ka qof marka loo barbardhigo caabuqa dabiiciga ah. Caddadka fayraska ka gudbaya dadka la tallaalay ayaa caadi ahaan ka hooseeya inta loo baahan yahay si uu ugu faafo dadka kale fayraskuna muddo dheer kuma noolaan karo meel ka baxsan gudaha jirka. Tani waxay ka duwan tahay infekshanka hargabka ee dabiiciga ah, kaas oo si fudud u faafa inta lagu jiro xilliga hargabka. Sidaas darteed dugsiyada lagu bixiyo tallaalka, khatarta guud ee ah in lala kulmo fayraska hargabka ayaa aad loo yareeyay maadaama carruurta intooda badan la tallaalay.
Ma jiraan waxyeelooyin gaar ah oo uu tallaalku leeyahay?

Waxyeellooyinka gaarka ah waa: rabitaanka cuntada oo yaraada, madax-xanuun, sanka oo dareera ama xirma, ama heerkul khafiif ah. Kuwani waa caadi, laakiin si degdeg ah ayay u baaba’aan waxaana lagu daweyn karaa paracetamol ama ibuprofen haddii aad dareento in ilmahaagu u baahan yahay. Kuwani waa astaamo iska caadi ah khaasatan marka la qaato qiyaasta ugu horreysa ee tallaalka hargabka waxayna sii yareenayaan inta la sii qaadanayo qiyaasaha sanadaha xiga.
Ilmahayga ma qaadan karaa tallaalka duritaanka ah ee aan ku jirin maadada jelatiinka?

Haddii aadan rabin in ilmahaaga uu qaato tallaalka hargabka ee sanka laga qaato sabab la xiriirta inay ku jirto maadada jelatinka ee hilibka doofaarka, ilmahaaga waxa la siin karaa tallaal la isku duri karo oo aan lahayn maadadaas. Haddii ilmahaaga uu halis sareysa ugu jiro hargabka sabab la xiriirta mid ama in ka badan oo xaalad caafimaad ama daweyn ah isla markaana uusan qaadan karin tallaalka ifilada ee sanka laga qaato waa in la siiyaa tallaalka hargabka ee duritaanka ah.
Tallaalka laftiisa miyuu sababi karaa hargab/ifilo?

Maya, tallaalku ma sababi karo hargab sababtoo ah fayrasyada ku jira tallaalka waa la daciifiyay si looga hortago inay taasi dhacdo.
Tallaalka sanka laga qaato ma ku jirtaa maadada jelatinka oo ah maado laga soo qaato hilibka doofaarka (porcine gelatine)?

Haa. Tallaalka sanka laga qaato waxa ku jira nooc si heer sare ah loo farsameeyay oo ah maadada jelatinka (porcine gelatine), maadadaas oo lagu dhex isticmaalo noocyo kala duwan oo daawooyin muhiim ah. Jelatiinka waxay gacan ka gaysataa in ay xasilliso fayrasyada ku jira tallaalka si uu tallaalka u bixiyo ka hortagga ugu wanaagsan ee ka dhanka ah hargabka.
Sidee ayuu u shaqeeyaa tallaalka sanka lagu buufiyo?

Tallaalka lagu buufiyo sanka ayaa ka kooban fayras la daciifiyay si looga hortago in tallaalka uu sababo hargab laakiin wuxuu ka caawin doonaa ilmahaaga inuu yeesho difaac. Marka ilmahaaga uu la kulmo fayrasyada hargabka waxay si fiican ula dagaallami doonaan caabuqa. Tallaalka waxaa si dhakhso ah looga qaataa sanka, xitaa haddii ilmahaaga uu hindhiso isla marka tallaalka lagu buufiyo sanka, looma baahna in laga walwalo in tallaalka uusan shaqayn.
Sidee loo bixinayaa tallaalka?

Inta badan carruurta, waxaa laga siiyaa sanka. Waxaa sidoo kale loo bixin karaa irbad/duritaan ahaan.
Waa maxay faa'iidooyinka tallaalka?

Qaadashada tallaalka waxay gacan ka gaysan doontaa in ilmahaaga uu kahortag ka helo qaaditaanka hargabka. Waxay sidoo kale yareyn doontaa fursada ah in dadka kale ee ka tirsan qoyskaaga, kuwaas oo laga yaabo inay halis weyn ugu jiraan hargabka, sida awoowayaasha/ayeeyayaasha, kuwa qaba xaalado caafimaad oo raaga, ama walaalaha aadka u da'da yar ee aan gaarin qaadashada tallaalka, inay hargabka ka qaadaan ilmahaaga.
Maxay carruurtu ugu baahan yihiin qaadashada tallaalka hargabka sannad kasta?

Tallaalka hargabku wuu is beddelaa jiilaal kasta si loo waafajiyo nooca hargabka ee wareegaya sannad kasta. Sababtan awgeed, waxaan kugula talineynaa in ilmahaagu mar kale laga tallaalo hargabka sanadkan, xitaa haddii la tallaalay sannadkii hore.
Maxay tahay sababta uu ilmahayga u qaadanayo tallaalka hargabka?

Hargabku wuxuu noqon karaa jirro aad ugu daran carruurta. Waxay socon kartaa dhowr maalmood ama in ka badan; iyadoo sababaysa qandho, sanka oo xirma, qufac qallalan, cune xanuun, murqo xanuun iyo kalagoysyo xanuun, iyo daal aad u daran. Carruurta qaarkood waxaa ku dhici kara qandho aad u sareysa, mararka qaarkood xitaa ma lahan astaamaha caadiga ah ee lagu garto ifilada, waxaana laga yaabaa inay u baahdaan inay isbitaal tagaan si loo soo daweeyo. Dhibaatooyinka halista ah ee hargabka sababo waxaa ka mid ah caabuq dhegta ah oo aad u xanuun badan, boronkiito ba'an, iyo oof-wareen.

Miyaan helayaa koobiga foomka oggolaansh bixintayda?

Markaad gudbiso oggolaanshahaaga waxaad heli doontaa iimayl si aan kuu ogeysiino inaan helnay. Fadlan hubi galka spamka/junkiga haddii aadan helin iimaylkaas.
Sideen u soo gudbiyaa codsi taageero oo dhanka farsamada ah?

Fadlan iimayl noogu soo dir support@riviam.zendesk.com Fadlan wax tafaasiil shakhsi ahaaneed ah ha ku soo darin iimaylkan maadaama iimaylkani aan loogu talagalin arrimo caafimaad.
Maxaa dhacaya haddii aan u baahdo inaan macluumaadka ku helo qaab kale?

Fadlan la xiriir kooxda tallaalka kuwaas oo awoodi doona inay ku caawiyaan.

Nala soo xiriir si aad u hesho jawaabo dheeraad ah

Haddii aad wali wax su'aalo ah ka qabtid adeegeena ama tallaallada, fadlan nala soo xiriir adigoo adeegsanaya macluumaadka hoose..

Iimayl nooga soo dir Enfield@v-uk.co.uk.

Tallaalka Ifilada 2024/25

Warqad la'aan loogu talagalay meeraha

Oggolaansho bixinta waxaa laga dhigey mid fudud

Su'aalaha Inta Badan La Isweydiiyo

Ilmahayga ma u qaadi karaa GP-ga si uu u qaato tallaalka?

Maxaa dhacaya haddii aan seego 'taariikhda dhamaystirka oggolaansho bixinta' laakiin aan weli rabo in ilmahayga la tallaalo?

Maxaa dhacaya haddii aan beddelo go’aankayga ku saabsan in ilmahayga la tallaalo ka dib marka aan soo gudbiyo oggolaansho bixinta?

Maxaa dhacaya haddii ilmahaygu uusan dhiganayn dugsi?

Maxaa dhacaya haddii ilmahayga uu qabo xaalad caafimaad?

Maxaa dhacaya haddii ilmahayga uu xanuunsado ka dib qaadashada tallaalka?

Ka waran haddii ilmahayga uu xanuunsan yahay maalinta tallaal qaadashada?

Halkeen ka heli karaa macluumaad dheeraad ah oo ku saabsan tallaallada?

Waa maxay sabab aad ugu baahan tihiin taariikhaha tallaal qaadashooyinkii hore?

Maxaad ii waydiinaysaan in cunugaygu qaatay labada kuuro ee talaalka Jadeecada, Qaamo-qaanshiirta, iyo caabuqa Rubella (Measles, Mumps, and Rubella, MMR)?

Ma jiraan carruur ay tahay inaysan qaadan tallaalka sanka laga qaato?

Nooca tallaalka hargabku ma lagu faafin karaa dadka kale ee aan la tallaalin? (Faafinta fayraska)

Ma jiraan waxyeelooyin gaar ah oo uu tallaalku leeyahay?

Ilmahayga ma qaadan karaa tallaalka duritaanka ah ee aan ku jirin maadada jelatiinka?

Tallaalka laftiisa miyuu sababi karaa hargab/ifilo?

Tallaalka sanka laga qaato ma ku jirtaa maadada jelatinka oo ah maado laga soo qaato hilibka doofaarka (porcine gelatine)?

Sidee ayuu u shaqeeyaa tallaalka sanka lagu buufiyo?

Sidee loo bixinayaa tallaalka?

Waa maxay faa'iidooyinka tallaalka?

Maxay carruurtu ugu baahan yihiin qaadashada tallaalka hargabka sannad kasta?

Maxay tahay sababta uu ilmahayga u qaadanayo tallaalka hargabka?

Miyaan helayaa koobiga foomka oggolaansh bixintayda?

Sideen u soo gudbiyaa codsi taageero oo dhanka farsamada ah?

Maxaa dhacaya haddii aan u baahdo inaan macluumaadka ku helo qaab kale?

Nala soo xiriir si aad u hesho jawaabo dheeraad ah